Гӏалгӏайчера тхэквондист Шамхалдибировгӏар Шарип белгалваьлар, мехка чемпионат дӏахьош
04.06.2026 08:59
Тхэквондиста Шамхалдибировгӏар Шарипа Гӏалгӏайчен тоабанна ера, къорабарашта юкъе дӏахьош хиннача Россе чемпионатера дото майдилг, яхаш, дувц «Сердало» газетага спорта Министерствон зарбан болх лелабераша.
«Селий мехкарча шахьаре Каспийске яхьаш дӏахьош бар мехка 15 моттигера вена 150 доакъашхо. Цига дика толам гойтарах, Шарипа шоллагӏа моттиг яккхарал совгӏа, Европа Чемпионате дакъа лаца а бокъо елар», - аьлар хоамо.
Тхоца къамаьл даьчо яхачох, Россе спорта мастер Шамхалдибировгӏар Шарип тхэквондо спорта оагӏув дӏахьош ва, Къамурзой Ахьмад тренер волаш.
