Гӏалгӏайчен тхэквондисташ бар, Владикаваказе дӏахьоча яхьашка
Гӏалгӏайчен тхэквондисташа вай мохк дика гойтар Халкъашта юкъерча (ВТФ) Владикавказе дӏахьош хиннача яхьашка, яхаш, дийцар «Сердало» газетага Гӏалгӏай Республикан физически культуран, спорта Министерстве.
«Лайх даьча ферха кубок» яха яхьаш чакхъяьлар лоалахарча мехка, Гӏалгӏайчен гулъяьча тоабо 10 совгӏат доаккхаш. Вай спортсменаша кийчон, говзала лакха боарам гойтар. Дакъа лоацаш бар 12-14 шу даьнна ондаргаш, 15-17 шу даьнна кагирхой. Боканаькъан Асхьаб (45 кг), Мутаӏаланаькъан ӏаддал-Малик (41 кг), Хуценаькъан Мухьаммад (37 кг) котбаьлар яхьашка. Овшанаькъан Мухьмад-Амина (61 кг), Хидиранаькъан Абубакара (65 кг), Меданаькъан Адама (41 кг), Циздой Саӏада (34 кг), Тебой Азамата (32 кг) шоллагӏа моттигаш яьхар, Цисканаькъан Мухьаммада (45 кг) борза майдилг яьккхар», - аьлар тхога баьча хоамо.
