«Цхьанна хӏамах ма кхера, Зураб!» яха спектакль гойта кийчо еш ба мехкарча ТЮЗе
12.05.2026 19:55
Гӏалгӏай классика Чахкенаькъан Саӏида пьесах «Цхьанна хӏамах ма кхера, Зураб!» яха спектакль гойтаргья берий театра актёраша. Вежарашта Зураба, Муртаза юкъе дикал, вол къоастаеш латта гӏулакх довзийташ я спектакль.
Цхьацца бахьанех къаьста, шола баь вежарий боадо, сердало йолча оагӏонашка биса лел. Муртаз воча низа караваха, чӏоагӏа къизаваьнна кхест, бакъда Зураб, дикал иштта йов йиш йоацилгах тийша волаш, сийрдача вахарга кхача гӏерт.
Муртаз кӏалхарваьккха бӏеха хӏама эшаде чугӏерта Зураб котваргва, хӏаьта фаьлгаца дувцар вахара дуккхача хӏамай уйла яйташ да. Наьна безам, даьй лаьтта хьамсара дола уж нах сийрдача наькъ тӏа боалалу, низах геттара эшабеннаб аьнна хийттача хана.
