Наьсарен вахархочунгара автомобиль дӏаяьккхар суда соцамах
Наьсарен шахьара вахархочунна кхел йир, цун доалахьара автомобиль дӏа а йоаккхаш, ӏаьдала болх бе безаш из декхарийла а оттавеш. Цун бахьан дар корта бохабу малар менна машинаца лелар, яхаш, дийцар «Сердало» газетага ГӏР бокъонаш лораераша.
«Суде хоадам бир, из саг хьалхагӏа, Наьсарен-Шахьаре, 2026 шера, наджгоанцхой бетта 23-ча дийнахьа, Наьсарен-Шахьаре корта бохабу малар менна леларах бехктокхаме оттаваь хиннилга. Хӏанз юха а «ЛАДА 210740» автомобилаца малар менна воагӏаш лаьцар из», - аьлар республикан прокуратура хоамо.
Цунгара автомобиль хьаяьккхар Госавтоинспекце инспектора.
ГӏР Магаса судо бехкевечунн хетар дӏа а лоархӏаш, цу сага 300 сахьата ӏаьдала болх бе безаш гӏод техар, иштта паччахьалкхен болча пайданна цун машин дӏаяьккхар, кхы юхалургйоацаш.
