Наьсарен ишкола даькъ тӏарча лагерá, спортивни гӏирс дӏабелар
№21 йолча юкъерча ишкола, Наьсарен-Шахьара мэре, бераш дика салоӏаргдолаш спортивни гӏирс белар.
«Администраце балха керттерча декхарех цаӏ да унахцӏена вахара никъ хьалхабаккхар, цудухьа цар шоашта могар ду цу даькъ тӏа. Шахьара кулгалхочо Оздой Руслана тӏадиллача декхарах, дешархошта спортивни гӏирс белар, цар каст-каста ара цӏенача фега шоай физически культуран урокаш дӏахьоргйолаш. Цу тайпара шахьара ӏаьдал хьож бераш хьаллаца, царна эшаш дола дика хьалаш хьакхолла, уж массайолча оагӏорахьа дегӏадоагӏаш хилийта», - аьлар мэре.
«Дог гӏоздоаккхар берий деладалар, цар дег чура гӏаддахар бӏаргадайча, уж спорт езаш хилар гуш дар. Тхо тешаш да, керда бургацаша, спортивни гӏирсаша цар салоӏаш йола ха кхы а сийрдагӏа ергхиларах», - аьлар хоамо.
