«Ноахал 18-35» яхача кхетачен доакъашхоша «Вай - цхьана» яха болам дӏабихьар
«Ноахал 18-35» яхача Ерригача Россе кагирхой кхетачен болх ба тахан вай мехка дӏахьош, «Даьхен лорабой» яхача ганза республикерча филиала къахьегамхоша хьаллоацаш. Кхетачен юкъе дакъа лоацаш ба тӏема моттигашкара ветеранаш, СВО доакъашхой, «Турпалий ха», «Турпала никъ» яхача программан юкъе хиннараш, иштта берригача мехкара гӏо деш лелараш.
РФ керда моттигаш хьакхетара Денна хетаяьча «ВАЙЦХЬАНА» яхача Ерригача Россе кхетаченга гӏолла, Даьхенцарча безамах бола болам дӏабихьар гулбеннараша. РФ юкъе чуйоагӏаш йолча 89 моттиг нийсъенна дӏаэттар цига.
Боккхача мехка даха къамаш вӏаший барт, бувзам болаш, цхьанкхеташ хила дезилга белгалдеш гӏулакх дар из. Республикашта, республикай бахархошта юкъе цӏаккха а хада йиш йоаца бувзам болга хьагойташ хилар ала деза цох. Даьхенцара безам, кагирхой дегашка чӏоагӏбеш, гӏо де кийча хилар хьаллоацаш да из.
