СВО доакъашхой мехкарча моттигашка къахьегаш, дӏахо баха лаьрхӏа ба
«Турпала никъ» яхача программага гӏолла, цхьацца моттигашка къахьегара тӏехьа болх дӏахьош ба тахан СВО доакъашхой. Из хоам «Сердалога» бир къахьегама гӏулакхех йолча министерствон зарбан болх лелабераша.
«Цу программан доакъашхо вола Къоастой Аслан таханарча дийнахьа къахьегама гӏулакхех йолча министерствон болх ӏомабеш, шаьрбеш ва. Цу оагӏонцарча балхаца дувзаденна мел дараш дикка тахкара тӏехьа къахьега дезаш ва из.
Проекташцара гӏулакх ӏомадеш, иштта кхыдараш дикка довза гӏерташ, тӏатеӏӏа къахьега ловш ва СВО доакъашхо», - йоах тхога кхаьчача хоамо. Министерстве белгалдир, тӏема доакъашхой болча вай мехкахошта уж гӏулакхаш ӏомадар лоархӏаме долга.
«Турпала никъ» яхар СВО бӏухошта керда никъ хьабеллаш бола оагӏув ба, аьнна, теркалдир Мутаӏаланаькъан Хьажбикара. Вахара оагӏонцарча цу программага гӏолла; шийга товргбола, шийна боаггӏача боараме дӏабахьа могаргдола болх лаха аьттув ба тахан тӏема доакъашхой. СВО доакъашхошта доккха дика деш программа я из.
