Гӏалгӏайчера викал дикагӏа волча мехка 15 хьехархочун юкъе я
Липецке дӏахьу V-гӏа Ерригроссийски «Наьна метта, литературан дикагӏа вола хьехархо» яха профессиональни яхь. Цига Гӏалгӏайчера яхар Юкъерча Ачалкхера хьехархо Баденаькъан ӏайна.
Цигарча №15 йолча юкъерча ишкола ГБОУ хьехархо наьна мотт хьехаш йола 18 шу да. Цо дикача толамашца гойтар Гӏалгӏайче.
Хьалхарча яхьа даькъах хьехархо ерригача Россера баьхкача доакъашхошта юкъе дикагӏа волча 15-нена чуйоагӏаш я. Тахан яхье дакъа лоацараш аргӏанара толамаш гойта дезаш ба, цига гуш хургва котало яьккха пхи саг.
V-ча Ерригроссийски яхье котбаьннарий цӏераш хьакхайкаергья тов бетта 11-ча дийнахьа, лаьрххӏа дола вӏашагӏкхетар чакхдоалаш.
Къаьстта йола яхьа белгало я, тов бетта 8-ча дийнахьа, Российски Федераце къамий меттай Ди долаш из дӏайолаялар. Яхь дӏахьош хилар бахьан да, начӏал дола хьехархой бовзар, иштта наьна метташ, къаман культура, ӏадаташ лорадара дӏахьош бола болх хьаллацар.
