Гӏалгӏайчен УФАСо къовсам лоаттабу, моллагӏа шоай декхараш кхоачашдеш боацарашца
Гӏалгӏай Республике гӏолла йола Федеральни антимонопольни болх дӏахьу моттиг дӏахо республикера бокъонаш лораяра балха тӏахьожам беш я. Укх деношка боахамо тӏаийцар «Главстрой» ООО гӏишлон компани, шин шера тӏехьаюсарех, дика йоацарех я аьнна из белгалъяьккхар.
«Цу тайпара хьал эттар Магас-Шахьара администраце цхьан оагӏорахьара доал дара даькъ тӏара контракт йохаяь хилар бахьан долаш. Дӏадахача шера Магаса мэрена, компанена юкъе контракт чӏоагӏъяьяр, нувхаш чукхувса контейнераш оттаяра. Йилла ха лоаца хиларга хьежжа доацаш, компани ший болх дӏахьош яцар. Цо ше тӏаийца болх кхоачаш ца беш битар. Карарча шера доал дара даькъ тӏарча администраце юкъарлонца из болх соцабир. Тохкама болх дӏахьош гучадаьлар, цу тайпара чӏоагӏо юхаяккха заказчик бокъо йолаш хилар, нагахьа санна болх бе безараша кхоачамбоацараш юкъедита хуле», - аьлар хоамо.
УФАСа кхела кхетаче йолаш, компане викалаша шоаш контракт кхоачашъе лаьрхӏа хилар белгалданзар. Из бахьан долаш, антимонопольни гӏулакх леладераша болх бе безаш хиннараш дика боацарех лаьрхӏар, цар шоашта тӏаийца декхараш кхоачашцадарах.
