Наькъашца ювзаеннача контракташта тӏагӏолла, кхаь юртарча кулгалхошта гӏод техар УФАСо
Паччахьалкхен оагӏонца цхьацца хӏамаш хьачуэцаш гӏалатбаларах, УФАСо гӏод техар кхаь юрта администраце кулгалхошта.
Дӏабихьача тохкамо хьагойтачох, Гӏаьз-Коарча, Тӏой-Юртарча, Сурхо тӏарча администрацеша 2025-ча шера духхьал цхьан моттигашца цхьацца кхоачам хьачуэцаш массехказа болх дӏабихьаб. Хӏара чӏоагӏонцара мах 600 эзар сомага гӏорташ хул.
Цхьан оагӏонгара иззал ахчах хӏама хьачуэцар нийса лархӏац, дӏахо кхы а болх чакх ца боаккхаш. Хӏама хьачуэцаш дӏакхихьача балхаца уж кхоачамбоцараш дикка тӏехдаьнна долга теркалдир УФАСо. Оттаяьча чӏоагӏон юкъе белгалдаьдар урамашка асфальт биллар, догӏан хишта лаьрхӏа канализаци хьаяр, цхьацца моттигаш тоаяр.
Деррига балхаш цхьан мугӏарера да; бакъда чӏоагӏо оттаяра гӏулакх массехк оагӏонца декъаш дӏадихьад, боаггӏаш бола болх чакх ца баккхар духьа. Ахча боаггӏача боараме дӏадахийтара новкъарле еш да из хӏама. Республикерча Россе УФАСо хьалхадоаккх, цу оагӏонцара бокъонаш болх дӏабахьара тӏехьа лораяр хӏара моттига лоархӏаме декхар долга.
