Наьсарерча Московски урамах, наха салоӏа доазув хургда
Наьсарерча Московски оалача урам тӏа, бахархошта салоӏаш ха яккха доазув къоастадергда. Из хоам «Сердалога» бера мэре болхлошкара.
«Шахьара да волча Оздой Руслана тӏадилла, къаман проектага гӏолла шахьарера моттигаш тоаярах йолча программанна юкъебихьаб из урам. 2026-ча шера дӏабахьа безаш бола болх ба из»,- йоах тхога бенача хоамо. Шахьарерча хьакимаша терко йир из урам лоархӏаме, массанена бовзаш хилийтара. Хургйолча сквера юхе маьждиг, ишкол, берий беш, колледж я.
«Нах дукхагӏа хулаш йола моттигаш тоаяр да керттера. Шахьара куц тоаде, наха паргӏато хилийта гӏерташ болх дӏахьош да тхо тахан», - белгалдир шахьара мэр волча Оздой Руслана. Бахархошца бувзаме болаш, цу моттигага товргйола куц-проект вӏашагӏайоллаш ба тахан мэре. Вайна массанена боча йолча шахьара моттигаш хоза, бӏарг хьоасташ, дега тоам беш хилийта гӏерташ; боккха болх ба Наьсаре дӏахьош латтар.
