Сага бокъонех волча викала лаьца воаллачун га даьккхар
12.03.2026 15:53
ГӏалгӀайчен сага бокъонех вола викал волча ера моттигера яхархо, ший лаьца воаллача виӀий гӏулакхага хьажар дехаш. Цо белгалдир, дӀадахача шера оагӀой бетта, ший воӀа ши шу набахта валла ха теха хилар. Из лаьца воалл Москве. Цун зӀамига ши бер да, иштта ха яха, тӀехьа аха могаш доацаш да-нана да. Из гаьна хиларах шоайла го йиш йоацаш дисад бераш а цӀагӀара нах а.
Тахан долаш долча законо таро лу, лаьца воаллар цун моллагӀа цхьа гаргара саг волча моттига юхе хилийта. Цунца дувзаденна викало из кхайкарал дӀадахьийтар Россе ФСИН кулгалхошка. Из теркаме а ийца, вахара даькъе пайдане бувзам хилар чу а лоацаш: лаьца воаллар Ставропольски края Россе УФСИН даькъ тӏа дӏахьожавир», - аьлар «Сердало» газетага ГӀР УПЧ.
