Цӏихезача иллей мукъамца йолаергья вай ишколашкара урокаш
Массахана тохаш хиннача гургала меттел советски, иштта таханарча авторий мукъамца дӏайолаергья ерригача Россера санна, вай мехкара а урокаш. Дешара шу долалуш дола тов бетта 1-гӏа ди кердача тайпара дӏадолалургда эзараш дешархошта. Кхоллама оагӏонца берий дог ураоттадеш бола хувцам ба из ишколашка, иштта боккхача мехка мукъама тӏехьале йовзаргья. «Сердалога» из хоам бера мехкарча паччахьалкхера.
Цӏаьхха, геттара чӏоагӏа тохаш хиннача гургала меттел оттабаьча мукъамо хьалъюзаргья ишкола уйченаш. Урок йолалуш, чакхйоалаш хозаш хургба мукъам; цул совгӏа, хӏара бетта хувцаш, тайп-тайпара хьаоттабеш хургба. Еррига ашараш лоархӏамеча исторически гӏулакхашца, паччахьалкхен цӏайшца, дагалоаттама деношца хоттам болаш хургья.
Тов бетта дешархошта хозаргда ишколах, кхетамах, хьехархоех, доттагӏалах, керда наькъаш хьаделларах дола иллеш. Тайп-тайпарча ханашкара ашараш я цу юкъеяхараш, советски классикагара ӏойолаенна. Цу юкъе я цӏихеза Шаински Владимира «Дважды два - четыре», таханара Майданов Дениса «Хьалхарбарий илли». Берий психологически хьало дикагӏа дӏатӏаэцаш, цар дог ураоттадеш хургда из керда гӏулакх.
