Ишколе цӏи яьнна хатар хилча, де дезараш шаьрдеш хилар МЧС болхлой
28.01.2026 11:28
Долакха-Юртарча ишколе шоай аргӏанара болх дӏахьош, цӏаьхха, цӏи яьнна болх хуле де дезараш шаьрдеш хилар МЧС болхлой. Из хоам «Сердалога» бир мехка Паччахьалкхено.
«МЧС болхлоша оттаяьча сценарех, кӏалхарча гӏата тӏа нийсденна токацара кхоачамбоацараш бахьан долаш яьннай цӏи. Цӏи йоаераш хьакхачалехь, 40 саг араваккха аьттув баьлар ишкола тоабан.
Хьакхаьчача МЧС болхлоша цӏи дӏайоайир, гӏишлон чу виса хинна саг араваьккхар, йӏовхал, кӏур цар кер чу баьннабий хьожаш болх дӏабихьар», - йоах тхогарча хоамо.
Иштта бола болх хан-ханнахьа дӏакхахьар чӏоагӏа лоархӏаме да, хӏана аьлча, хатар хинна болх хуле, эггара хьалхарча оагӏонца шоай мишта, фу де деза ховргда ишкола хьехархошта а берашта а.
