«Магас» аэропорте тӏаийцар Казанера хьалхара рейс
«Магас» аэропорте, шин республикан юкъера бувзам кердабаьккхачул тӏехьагӏа, Казанера хьалхара рейс тӏаийцар. Хьалха соцаяь хинна рейс юха болх бе йолаелар.
Из юха дӏайолаяр бахьан долаш; Гӏалгӏайчен, Татарстана бахархой таро хургья сихагӏа дӏакхача, кхы ха а е ахча а ца доадеш шоай гӏулакхаш даха. Из хиларах республикашта юкъерча туризма даькъ тӏа а, иштта нах шоай гӏулакха бахара йола а таронаш тоалургья.
Гӏалгӏайчен кулгалхочо Келаматанаькъан Махьмуд-Ӏаьлас баркал аьлар Татарстана Президента Минниханов Рустама, из рейс хьаеллаш новкъостал дарах. Цо белгалдир, шин республикан кулгахоша транспорта даькъ тӏара хаттараш кхоачашдеш бувзам лелабеш хилар.
Фецара кеман никъ хьабелларо Татарстана, Гӏалгӏайчен юкъера бувзам чӏоагӏбу. Из дика пайда бахьаш да регионий экономически, культуран хьал дегӏадоаладара даькъ тӏа.
