«Даьхен лорабой» яхача ганза болхлочунца, Денала урок дӏайихьар ӏаьлий-Юрта
«Даьхен лорабой» яхача ганза мехкарча филиала болхлочунца Куркъанаькъан Мухьмадаца, Денала урок дӏахьош хилар ӏаьлий-Юртарча ишколе. Из хоам «Сердалога» бир цу моттигера.
«Даьхенцара берий лерхӏам, безам чӏоагӏбара, тӏема аренашка лела бӏухой биццабара тӏехьа дӏахьош яр из урок. Куркъанаькъан Мухьмада берашта бовзийтар деналца, майралца шоай декхараш кхоачашдеш, Даьхен бизза къонгаш болаш хьабоаг1араш. Иштта тайп-тайпарча ханашкара мехка гӏулакхе лаьттарий вахара наькъах дийцар царна. Къаьстта йоккха терко тӏайохийташ дийцар цига Сийлахь-боккха Даьймехка тӏом лаьттача 1941- 1945-ча шерашка лакха майрал гойтача лорех.
Берий мел дола хаттараш доашхаш, массане дакъа лоацаш, дӏаяхар кхетаче», - дийцар тхога ганза болхлоша. «Денала уроко хӏара бера дег чу ший тайпара лар йитар аьнна хет сона. Белгалде деза, иштта йола кхетаченаш кхувш латтарашца дӏакхахьар лоархӏаме долга. Хӏара бера довза деза ший мехка истори, къаман сийдолча къонгий цӏераш», - белгалдир Куркъанаькъан Мухьмада.
