Гӏалгӏайчен бизнес-акселераторе кхетаче хилар ИнгГУ студенташца
Гӏалгӏайчен бизнес-акселераторе кхетаче хилар, Гӏалгӏай паччахьалкхен университета студентий. Цига беза хьаьший бар Коазой Заур, Гадаборшанаькъан Мухажкар, цар дийцар кагирхошта бизнес лелаярах.
«Кхетачено таро елар «Ишкол 21» яхача дешара проекта доакъашхошта Сбера балха даькъ тӏара кердадараш довза, бизнес дӏаяхьа ловш болча эксперташта, студенташта из кхоачашъяра бизнеса даькъ тӏара хьал гойта. Гӏалгӏайчен «Бизнес-акселератора тоаба ладувгӏаш хиннарашта хьалхадаьккхар, «акселераци» фуд, из шоай доалахьара хӏама леладерашта сенна эшаш я, из юххьанца денз, балха проектага кхаччалца мишта дӏахьу, малагӏа халонаш хьалхашка нийслу», - аьлар «Ишкол 21» зарбан болх лелабераша.
Коазой Заура, Гадаборшанаькъан Мухажара къамаьл хетадаь дар дӏаболалуча бизнес лелаерашта, царна хьалхашка нийслуш дола хаттараш кхоачашдара.
Мехка керттерча вуза дешархоша гойтар проекташ, царна мах оттабир эксперташа.
