Дешара центре дийцар, ишколашта эцаш йола хӀама гуш хилийтарах
Магас-Шахьара дешара центре йоккха кхетаче дӀайихьар республикан массайолча дешара кулгалхошца, из хетаяь яр дешара гӀулакха хӀама эцара болх къаьгга а къайле йоацаш а хилийтара.
Боахамашта юкъера хаттараш дар цига дийцараш. Цу балха дакъа лоацаш хилар Ӏаьдала викалаш, царна юкъе вар ГӏалгӀай Республике гӀолла долча антимонопольни гӏулакха Федеральни Урхаллен кулгалхо Тоачанаькъан Беслана Батыр. Иштта кхетачене дакъа лоацаш вар Паччахьалкхен Председатела гӀонча, керттера моттигера казанча; ГӏалгӀай Республикан паччахьалкхен эцарах йолча Комитета кулгалхо. Ше къамаьл деш, ГӏалгӀайчен УФАСа викала белгалдир, еррига эцаш йола хӀамаш лаьрххӀа болча болхлой тӀахьожам болаш хилар. Иштта цига дийцар, йохкачоа хьалхадаккха дезилга хьадехаш дар, из ший боарамах леладе дезилга. Цул совгӀа, цига дийцар санитарни боарам лелабара дош.
Россе ГӏалгӀайчен УФАСа кулгалхочо белгалдир, 2025 шера дешара моттигашка дукха кхоачамбоацараш гучадаьнна хилар: 22 тӀахьожама болх дӀабихьар дешара Министерствонна боагӀаш, иштта 17 ГӏалгӀай Республикан дешара моттигашка, 94 хӏама эцара балхага хьежар, федеральни, къаман проекташта чудоагӀаш; цига гучадаьлар 115 кхоачамбоацар. Юха а терко тӀаяхийтар тӀаьргаш нийса дӀаяхьара долча хаттара.
Къаьстта белгалдир, цу тайпара хьал нийсдалар бахьан долаш паччахьалкхен декхар кхоачашдеча, иштта берашта мах боацаш ишколашка даар лоаттадеча даькъ тӀара болх талхаш хилар.
ГӏалгӀай Республике гӀолла йолча УФАСа, иштта ГӀР паччахьалкхен хӏама эцара Комитето яьча чаккхено гойтар, дешара урхалленашка цахаддаш хьехамаш деш новкъостал лоаттаде кийча хилар.
