Гӏалгӏайчен йиъ ишколанна, вай заман технически гӏирсаш делар
Гӏалгӏайчен йиъ юкъарча дешара ишколанна, вай заман гӏирсаш делар. Из лаьрххӏа деш да, дешара хьал аттача даккхара, дикал лакхъяра, таьрахьий даькъ тӏара болх кердача боарам тӏа хилийтара. Из проект кхоачашйир, «Цаӏ йола Росси» яхача парте, Паччахьалкхен Думан депутата Бӏарахой Бек-хана цхьана болх дӏабахьарах.
«Ишколашта елар 50 укх заман компьютер, пхиъ дукха болх чубоагӏаш дола гӏирсаш; цу юкъе принтера, сканера, копи яккхара болх болаш. Из кхоачашдир дешара урхаллен кулгалхочо кхайкарал дарах. Цун керттердар - материально-технически ишкола кӏийле хьаяр; дешара а балха а дика хьалаш хьакхоллар», - аьлар «Сердало» газетага моттигерча дешара, ӏилманн Министерствос.
Кердадараш юкъедахаро таро лургья интерактивни дешара оагӏув дӏаяхьа, таьрахьий дешара таронаш дешархошка кхачийта, дидактически материалаш хьехархошка дикагӏа кийчъяйта, укх заман техникаца дешархой болх бе ӏомабе.
Из лоархӏаме хилар Гӏалгӏайчен дешара кхоане хьакхоллара, цига дешархошта таьрахьий дунен тӏа бала таро ялара, иштта профессиональни дегӏабара кӏийле хьакхоллара.
