Магаса ЦКР хьабийллар Сталинграда тӏема хетабаь гойтам
Магас-Шахьара культуран дегӏаахара Центре, хьабийллар исбахьален искусствон кружоке ухача бераша хьакхеллача суртий гойтам. Къонача суртанчаша шоай белхаш гойтар тӏема сийлен Ди дездеш, цар уж хетадир Сийлахь-боккхача Даьймехка тӏема цхьан турпала оагӏонна - Сталинграде лаьттача тӏема.
«Шоай сурташка бераш хьежар, Эдал оалача хин бердаш тӏа 1942-1943 шерашка лаьтта унзара из деррига тӏема хьал гойта. Шоай белхашка гӏолла къонача суртанчаша белгалдир Сталинграда тӏема юкъера советски бӏухой денал, цар гойта турпалал. Сталинград - из денал, иштта советски салтечун турпалал да», - аьлар «Сердало» газетага урхаллен исбахьален кулгалхочо Дебаранаькъан Хадишата.
Гойтам хоза дӏабихьар, кӏоаргга гойташ Даьхенцара безам. Цига даь хӏара сурт - из зӏамига истори да, берий кулгашца хьакхелла.
Берий балхаша гойт исторе бакъдар, Сталинграде латаш хиннача бӏухой турпалал шоаш тӏаэцаш хилар, царцара шоай лерхӏам.
