Жӏайрахьа кхален, иштта Наьсарен шахьара ЦОСП жӏакех ловзар дӏадихьар
Жӏайрахьа кхален, Наьсарен-Шахьара боккхагӏчар дагабалар центре вӏашагӏделлар жӏакех, шашкех ловзар, аьлар «Сердало» газетага Гӏалгӏай Республике гӏолла йолча РФ пенсионни, социальни страховане ганзо.
«Цига хӏаравар таро йолаш вар ший мукъа ха дӏаяхьа, говзал гойта, безача нахаца къамаьл де, вахара говзал царца екъа, царна юкъе хилар жӏакех ловзара яхьаш дӏаяхьар а. Из кхетаче вӏашагӏъеллаяр, цар уйла е таро хургйолаш шоай вахара бувзам чӏоагӏбе. Жӏакех ловзар дӏахьош хӏаравар раьза вар цу тайпара салоӏаш йола ха дӏаяхьа шоай таро хиларах. Яхьаш чакхйоалаш, даьхача толамашка хьежжа, Оздой Махьмуда котало яьккхар. Шоллагӏа йола моттиг елар Гӏоандалой Исраила. Кхоалагӏа моттиг яьккхар Малсаганаькъан Тухана», - йоах хоамо.
«Ловзара истола тӏа дӏайолаелар бокъонца йола яхьаш, ловзараша лорадора юкъера эздел, цар лерхӏам а бар шоайла. Цу кхетачено хьагойтар, яьнна ха новкъа йоацилга дика вахара никъ дӏабахьара», - аьлар ГӏР СФР даькъе.
