Пхьилекъонгий-Юртарча берий беша мехка эггара хьалхара берий юкъарлон кхел хьайийллар
09.02.2026 09:54
Пхьилекъонгий-Юртарча №1 йолча «Тӏаус» яхача берий беша Россе эггара хьалхара Берий юкъарлон оагӏонцара кхел хьайийллар. Из хоам «Сердалога» бера берий бокъонех йолча моттигера.
«Цу гӏулакха лаьрхӏа йолча кхетаче дакъа лоацаш яр берий бокъонех йола викал Чахкенаькъан Зарема, мехкарча Берий юкъарлон кхела хьалха латта Цӏолой Ислам. Пионерски проектага гӏолла дикка тоаделар ала йиш я цу берий беша гӏулакх. Хӏанзчул тӏехьагӏа ӏаьдалга гӏолла шоай бокъонаш лорае йиш йолаш хургда бераш», - дийцар тха газетага.
Гӏалгӏайчен Берий юкъарлон оагӏонцарча кхела юкъе чуводараш тахан 236 саг ва. Хьалхагӏа дешархой мара бацар цу юкъе, хӏаьта тахан зӏамагӏбарий оаз а теркалъеш хургья цу оагӏонца.
