Долакха-Юрта республикан яхь дӏахьош моттиг хилар укх деношка
Латархошта юкъе Республикански яхь дӏахьош хилар Долакха-Юрта. Из хоам «Сердалога» бера цу моттигера.
«Вай къам цхьаккха бехк боацаш мехкахдаьккха Казахстане ӏодахьийтара хетаяь яр из кхетаче. 14-16 шерашка кхаьча спортсменаш бар гулбеннараш. Саькура бетта 3-ча денгара 4-ча денга кхаччалца, цу юртарча Берий-кагирхой спорта ишкола доакъашхоша тайп-тайпарча дозалех йола 8 майдилг яьккхар. Дахкилганаькъан Хьамзат (55 кг), Гаркхой Адам (60 кг), яхьашка котало йоаккхаш, белгалбаьлар. Баркинхой Юсуфа (45 кг), Осменаькъан Мухьмада (80 кг) дото майдилгаш яьхар. Борза майдилгаш кхаьчар Джандаранаькъан Руслана, Нальганаькъан Расула (71 кг), Гелисханаькъан Ислама (92 кг), Йовлой Ислама (92 кг)», - дийцар тха газетага ДЮШС.
Спортсменаш кийчбеш хинна тренераш – Акхасаганаькъан Юсуф, Гаракхой Шамал, Акхасаганаькъан Микаил, Ганенаькъан Беслан.
