Долакха-Юрта Россе зӏамигача къамашта хетадаь цӏай дӏадихьар
Боккхача мехка чудоагӏача къамашта хетаяь кхетаче дIайихьар Долакха-Юртарча культуран Цӏагӏа. Россе къамий цхьоагӏон Шера, зӏамигача къамий Ден хетаяь хилар из. Цига гулбеннабар хьехархой, дешархой, библиотека болхлой.
«Программа кийчъеш къахьийгар яр ДК исбахьален оагIонцарча балха кулгал деш йола Манкенаькъан Зина. Мехка тайп-тайпарча миӏингашка дIа-хьа даьржа дола къамий истори, культура яйзар берашта», - дийцар «Сердалога» цу моттигера. ГIинбухе, Сибре, Гаьнарча Малхбузе дахача къамий вахарах, цар ӏадатех дийцар къонача тӏехьенга.
Дешархошта пайда беш кхетаче хилар цох, хӏана аьлча боккхача мехка истори да царна довзийтар. Россе дахача, доккха деце а шоай культура, оамалаш, ӏадаташ лорадеш, тӏехьенгара тӏехьенга телаш хьадоагӏача къамех дийцар цига.
