Долакха-Юрта дӏайихьар кикбоксингах йола республикан йийлла яхь
Наьсарен кхален Долакха-Юрта дӏайихьар 2008-2009-ча, 2010-2011-ча шерашка баьча ондаргашта юкъера кикбоксингах йола Республикан йийлла яхь, яхаш, дийцар «Сердало» газетага из болх вӏашагӏбеллараша.
«Аьтинга бетта 8-ча денгара 11-ча денга кхаччалца, Дахкилганаькъан М.А. цӏерагӏча спортивни ишколе дӏайихьар «Россе Денна» хетаяь спортивни яхьаш. Тӏоарска кулгахйоаллорга 140 говзанчас гойтар шоай спортивни лоӏам. Долакха-Юртарча спортивни ишкола дешархоша яхье 14 совгӏат даьккхар. Баркинхой Иразхана, Аькхенаькъан Адама, Магомедовгӏар Тимура, Оздой Ӏаддал-Малика, Балайнаькъан Ӏаддал-Рахьима, Янданаькъан Муслима, Буражанаькъан Жабраила, Элмарзанаькъан 04C0аддал-Рахьима котало яьккхар.
Къулбужанаькъан Дене, Осменаькъан Сулеймана, Тиймарзанаькъан Ӏимрана «дото» моттигаш яьхар.
Дидиганаькъан Хьамзата, Тӏоаршхой Сулеймана, Осменаькъан Акрама кхоалагӏа моттиг кхаьчар», - аьлар хоамо.
Белгалду, яхь вӏашагӏъеллар; Гӏалгӏай Республикан арахьарча бувзама, къаман политикан, зарбан, хоамий Министерствоc хьал а лоацаш; Гӏалгӏай Республикан вахара дегӏаахара Ганз йолга.
