ГIишло хьалъе йолаяьяр карарча шера ГIалгIай министерства даьча заказах «Капитал» ООО подрядни фирмо. Проектах йоаггIача бесса из гIишло хургъя кхозза вIаштараяь, иштта диъ даькъа йийкъа.
Цу ишкола лаьрхIа 3,5 гектар лаьтта хьакъоастадаьд.
ХIанз укх сахьте гIишлон котлован баккхара лаьтта хьалдоаккхаш, дIа-юха нийсдеш, грунтови оала кIалахьарцар деш дола балхаш дIахьош да. 75% кхоачаш подвала пенаш урагIа дахад, иштта хьалхара этаж хьалъяра бола болх дIаболабаьб.
ГIалгIай гIишлон министр массанахьа хьежа чакхваьлар, гIишлонхошца къамаьл а дир, хьабеш латтача балха раьза волаш а виссар.
Таханарча денга кхоачаш, хьабаь болх 15% ба. Бакъда дукхагIа бола болх гIишлонхой кхы а хIанзчул тIехьагIа бе безаш ба.
