Кхолламах йола кхетаче дӏахьош хилар кагирхой цхьанкхетарий Цӏагӏа
Кагирхой цхьанкхетарий Цӏагӏа «Медиа-Лаб» яха кхетаче дӏайихьар моттигерча «Хьалхарчар болам» яхача оагӏоно. Сурташцара, видеошцара болх мишта дӏабахьа беза гойтар кхетаче. «Сердалога» из хоам бера цу моттигера.
Цу программага гӏолла дукха хӏама дайзар ала йиш я дешархошта, студенташта. Таханара сурташцара, видеош дӏаязъяра болх фу лорадеш дӏабахьа беза дийцар царга, иштта хоамашцара гӏулакх мишта хила деза, тоабанца къахьегара юкъе эггара лоархӏамедараш сенах латт, кхетадир цар.
Хаттар-жоп долаш дӏайихьар из кхетаче. Хьалхара дакъа чакхдоаллашехь, шоаш ӏомадаьр балхаца гойта хьежар къонабараш.
Цхьацца дешаш тохкаш бола болх дӏахьош, шоай проекташ йовзийташ, цу гӏулакха хьалхаэттарашка тайп-тайпарча оагӏонцара хаттараш доашхийташ, ха дӏайихьар цар. Дукха кердадараш дайза, раьза болаш дӏа-хьа къаьстар къонабараш.
