Шолжа кхален ДШИ дешархой академически концерт хилар
Гӏалӏайчен Шолжа кхален доал деча даькъ тӏа дешархой академически концерт хилар. Цу сайренах бокъонца дола цӏай хилар концерта къонача доакъашхошта, цига хӏаране гойтар ший къахьегам, кхоллам дегӏабоагӏаш хилар.
«Бераш сцена тӏа арадоалаш, чӏоагӏа эхь хеташ а, бакъда цунца цхьана доаккхал деш а дар. Дукхагӏчарна из лоархӏаме гӏа бар мукъам дегӏабоалабара даькъ т1а боаккхаш бола. Тайп-тайпарча ханашкара ашараш, иллеш дар цига хозаш, цу юкъе классически композицеш а йолаш.
Хӏаране гойтар ший тайпара дег чу южаш йола кхоллама, ашарий оагӏув, цун дика кийчо яь хилар», - аьлар «Сердало» газетага цу дешара моттиге.
Хьехархоша, цига дакъа лоацаш хиннараша, лакха мах оттабир цар балха.
Концерт чакхдоалаш, гуш хилар цар массане а шоашта хьалхашка оттадаь декхар дика кхоачашдаь хилар, цар шоай кхоллама балха даькъ тӏара оагӏув боккхача безамца лелаяр гуш дар.
