Бахархой тӏаийбеш хилар тӏема прокурора гӏонча, «Даьхен лорабой» яхача ганзе
«Даьхен лорабой» яхача ганза мехкарча филиале бахархой тӏаийбеш хилар, тӏема прокурора гӏонча вола Хохлачев Сергей. СВО ветеранашца, цар гаргарча нахаца къамаьл деш, царна къувлараш тохкаш, хилар ганзе. «Сердалога» из хоам цу моттигера кхаьчар.
«Тӏема декхараш кхоачашдара гӏулакхаца, паччахьалкхенгара цу наха хьадоагӏача хӏаманца дувзаденнараш тахка ловш бар хьатӏаиха нах. Иштта кхетаче дийцар лозабаьчул тӏехьагӏа тӏема-лорий кхелах чакхбаларах, тӏема аренашка де доацаш байнарий гӏулакхах, тӏема операце ветеран хилара тешал деш дола каьхат хьадаларах», - дийцар «Сердалога».
Тӏема прокуратураца бувзам лоаттабеш, цхьана болх дӏакхахьаро ӏаьдала бокъоно дӏадеххача тайпара терко яйт бӏухошта, цар дезалашта. Шоашта къувлаш дола цхьацца хаттараш тахка хьатӏаухаш болча наха а аьттув болаш да кӏалха боаггӏача боараме хӏама дашха прокуратуран болхло хилар.
