ӏаьлий-Юртарча гимназе, даьшца-ноаношца хьехама болх дӏабихьар
Гӏалгӏай Республикан кагирхой гӏулакхашта йолча Комитета болхлоша Шоанахой Муслима, Тиймарзанаькъан Ахьмада хьехама болх дӏабихьар «Наьсарен кхален ӏаьлий-Юртарча гимназе» ГБОУ дешархой даьшца-ноаношца, яхаш, дийцар «Сердало» газетага Гӏалгӏай Республикан КДМ говзанчас Гӏулой Аминас.
«Из кхетаче дӏахьош хилара бахьан дар, кагирхошта юкъера хьал тоадар, дешархой нийсача наькъ тӏа бахар. «Иман» яхача меттаоттадара йолча центра кулгалхочо Хамхой Ахьмада, меттаоттадара центра программа кулгалхочо Тӏоаршхой Ислама, психолога Нухов Малика дийцар берий даьшта экстремизма, терроризма духьалъоттара де дезар, иштта хьалхадаьккхар Интернета бувзамашка гӏолла деча терроризм хьаллоацача йоазонех лоравала везар, цу тайпара дегабуам беш дола хьал шоашта нийсделча цох хоам бе безаш хилар», - йоах хоамо.
Цу тайпара вӏашагӏкхетараш дӏадахьаро таро лу даьшта харцача наькъ тӏа варгвоацаш ший дезалхо лораве, иштта кхетаде берий психологически хьал лоархӏаме долга.
