Гирети яхача гӏалай юрта, хьалхарча ханара тӏӏирг корайир археологашта
03.04.2026 09:18
Дӏаяхача хана вай даьша лелаяь тӏӏирг корайир, Гирети яхача гӏалай юрта болх дӏахьош баьхкача археологашта. Из хоам «Сердалога» бир «Тӏехьале» яхача тӏоговзанчий ишколе.
«№ 3 йолча малхарча кашара корайир хьувзаеш хьаяь тӏӏирг. Хетаргахьа, тхьоврача кхалнаха ниттий хетолгаш вӏаший чоалдоахаш хьаяь я из. Цун истори дӏахо тохкаш ба историкаш», - йоах тхога бенача хоамо.
«Цу ханашка мел хинна хӏамаш вай даьша, ноаноша шоай кулгашца хьаяь хиннай. Тахан вайна тамашийна хетача, моллагӏча хӏамах вахаре накъадаргдараш хьаде говзал хиннай цар», - дийцар тхога «Тӏехьале» яхача Ишкола кулгал деча Султиганаькъан Рамзана.
