Дото хӏамилгаш корайир Гирети яхача лоаман юрта
09.02.2026 09:22
Гирети яхача гӏалай юрта дотох яь, таьца хетта хӏамилгаш корайир археологашта. Из хоам «Сердалога» бера «Тӏехьале» яхача тӏоговзанчий ишкола болхлошкара.
«Шоай болх дӏахьош боахкача археологашта корайир уж хӏамаш дӏадахача шера. Таьца шоайла хетта йола дото хӏамилгаш лохерча гӏата № 3 долча малхара кашара корайир. Археологаша теркалдечох, 200-300 шу хила мегаш я уж хӏамаш», - йоах тхогарча хоамо.
«Тӏехьале» яхача ишкола болхлоша белгалдечох, иштта йола хӏамаш цхьацца йолаш кораяьяр цигара хьалхагӏа, хӏаьта ераш шоайла таьца хетта хиларо хьагойт из дотох яь куцала лелаю хӏама хиннилга.
