Тӏехкарца лелабаь гӏирс корабир, Гирете тохкамаш деш
02.02.2026 10:13
Гирети яхача гӏалай юрта болх дӏахьош боахкача археологашта, къаьнарча тӏехкарцара гӏирс корабир. «Сердалога» из хоам бера цу моттигера. «Гӏалан кӏалхарча гӏата малхарча кашара корайир йз хӏама.
Цӏастах, дикка сомал йола гӏаьли тӏадуллаш, хьабаь болх ба из. Лерттӏа хьежача хоалуш да, из хӏама дуккхача шерашка лелаяьлга. Къаьстта терко тӏаэзар цу тӏа диллача зизах таралестача догамо. Тӏехкарах из чоалдаьккха дӏачӏоагӏдеш йола хӏамилгаш йоахкар шинна оагӏонца, тӏехкара тӏоарсках диса дакъилгаш а гора цунца, дикка хьежача»,- йоах тхогарча хоамо.
Белгалдечох, иштта хьадаь тӏехкар геттара лоархӏаш хиннад тхьоврача хана. Гӏалай юрташка баьхача вай къаман пхьарий лакха говзал гойташ ба из болх.
