1920-1930 шерашкара колхоза нух корадир гӏалай юрта
1920-1930-ча шерашка леладаь колхоза нух корадир, лоаман юрта къахьегаш боахкача археологашта. Из хоам «Сердалога» бир «Тӏехьале» яхача тӏоговзанчий ишколе.
«Аьшка гувра, нохара пхаьд, рама йолаш хӏама я из. Белгалдечох, цу тайпара нух токхаде ши говр дӏайожаш хиннай, лаьттанца болх беш мел хиннараша леладаь нух да из. Лохера Пхьуй яхача гӏалай юртара корадаьд аьшка нух. Цyнца лаьтта оахаш, охкаш баьхаб нах.
Россе европейски моттигашка а, иштта кхыйолча моттигашка а леладаь нух да из», - йоах тхога бенача хоамо.
«ХХ бӏаьшере лоаман юрташка баьхараш малагӏа гӏулакхаш леладеш хиннаб хьагойт вайна цу хӏамаша, цунга хьежжа чӏоагӏа лоархӏам болаш я уж вай музейна. Тхьоврача ханацара истори да из гӏалгӏай гӏалай пенашца диса», - аьлар тхога «Тӏехьале» яхача тӏоговзанчий ишкола кулгал деча Султиганаькъан Рамзана.
