Хьайбаш лоргаш хинна къаьнара кӏод (чӏоад) корадир лоаман моттиге
29.01.2026 09:10
Хьайбаш лоргаш леладаь къаьнара кӏод корадир археологашта лоаман юрта. Из хоам «Сердалога» бир «Тӏехьале» яхача тӏоговзанчий ишколера.
«Лохера Пхьуй» яхача гӏалай юрта ялхлагӏча малхарча кашара корадир кӏод. Археологаша белгалдечох, Vӏӏ-ча, XX-ча бӏаьшерашка леладаь да уж гӏалашка баьхача гӏалгӏаша», - дийцар тхога.
«Цу хӏамо хьагойт, лоаман юрташка баьха тхьоврара вай даьй шоай доалахьа дукха хьайбаш долаш, къахьегаш баьхалга», - белгалдир «Тӏехьале» яхача гӏалаш меттаоттаярах йолча ишкола кулгал деча Султиганаькъан Рамзана.
Дукха ха йоацаш, тха газетага гӏолла баьржабар Лохера Пхьуй яхача гӏалай юрта говрашта детта ланаш, иштта цхьа гурмат гобаьккха къоргаш яьха аьшкаш кораяьй яха хоам.
