19-ча бӏаьшерера маьхий доахкаду гӏайбилгаш корадаьд лоаман юрта
19-ча бӏаьшерера маьхий доахкаду гӏайбилгаш корадаьд, гӏалаш йолча юрта болх дӏахьош боахкача археологашта. Из хоам «Сердалога» бир «Тӏехьале» яхача гӏалаш меттаоттаеча ишкола доакъашхоша.
Гирети яхача юртарча гӏалан лохерча гӏата тӏа хиннача малхарча каша чура корайир уж хӏамаш. Маьхий доахкаду гӏайбилгаш массехказа вӏашкадийхкача сомача (галеш деча) кӏадах хьадаь да. 200 шу совгӏа ха йолаш я уж хӏамаш.
Цар хьагойт, лоаман гӏалашка баьха вай кхалнах хӏама тегаш, маха баккхара говзал йолаш хиннилга», - йоах хоамо. Археологаша дувцачох, кхалсага ший вахаре цхьацца гӏулакхаш деш лелаяь хӏамаш цунца малхарча каша юташ хиннай.
Начӏал долаш, хӏама тегара говзал дикка караерзаяь хиннаб вай къаман тхьовра хинна кхалнах. Шантаца лелаяь хӏамаш (тӏора, болх йистебаьлча маьхий ӏочудогӏаш хинна гӏайбилгаш), телха дӏа ца йоалаш, вайга хьакхаьчай.
