Республикан юрташка тока гӏулакх тоадеш боахк
30.06.2026 15:03
Гӏалгӏай юрташка тока болх тоабар да тахан дӏадоладаь. Из хоам «Сердалога» бир Мехкадаь зарбан болх лелабераша.
Укх деношка шин моттиге къахьегаш ба тока оагӏон болхлой – Вӏовнашке яхача гӏалай моттиге, Илдарха-Гӏалийна, Пхьилекъонгий-Юрта ток лоаттаеча доазон тӏа.
Вӏовнашке вай къаман лоархӏаме моттиг я. Федеральни оагӏонца лорадеш дола доазув да из тахан. Кабель хувцаш, дикагӏа дола тока саьргаш дӏатовсаш боахк цига. Иштта болх дӏахьош латт Илдарха-Гӏалий тӏарча, Пхьилекъонгий-Юртарча бахархошта ток лоаттаеча 6 Кв даькъ тӏа. 9 эзар совгӏа адам дахаш, ялх вахара оагӏонцара моттиг йолаш доазув да из, цу юкъе я берий беш, ишколаш», - йоах тхога бенача хоамо.
