Шолжа-Шахьаре коравир, хиво вихьа хинна Дербичанаькъан Хизар
Доккхача халахетарца чакхдаьлар, дукхача деношка Дербичанаькъан Хизар лохаш дӏадихьа хинна денош. Цу хьала тӏехьахьожаш дар деррига Кавказа адам. Тахан 16 сахьат 50 минот яьлча, цу бера дакъа хьакорадир.
Хоамо яхачох, из корадир Шолжа-Шахьара Келаматанаькъан урамах. Хӏанз укх сахьате, цу моттиге болх дӏахьош ба.
Из кораваь хиларца, лаьрххӏа болча болхлоша шоай оарц юхасоцаду, аьнна, хьакхайкадир. Хьалхагӏа, лаьрххӏа бола лахара болх соцабу, аьнна, кхайкадаьдар Гӏалгӏай Республике гӏолла йолча Россе МЧСа ГУ (ЦУКС) чоалханеча хьала урхаллен Центра кулгалхочо Йовлой Ахьмада.
Ворхӏ ди-бийса даьлар оарцагӏбаьхкараша, лакха говзал йолча водолазаша, лоӏамхой тоабаша, Гӏалгӏайчен а ерригача Кавказа а бахархоша из лохаш.
Хизара дезалга, гаргарча нахага кодам бу. Дала гешт долда цунна, Дала къахетам болба цох.
