Тӏема сийлен шахьаре Магӏалбике «Коталон диктант» яздир
Магӏалбикерча Орджоникидзе С. цӏерах йолча парке, лоархӏаме болх дӏабихьар. Къамашта юкъера «Коталон диктант» яха болам хьаллаца гулбелар Сийлен Мемориала юхе шахьара бахархой. «Цхьа боккъонца дола цӏай долаш санна хетар цу доазон тӏа.
Коталонга бодача наькъ тӏа фашист, лира тохаш, вай лаьтташкара аравоаккхаш лаьтта деналах бизза хинна бӏухой, боккхача тӏема истори духьалъувттадеш бар цу доазон тӏа гулбеннараш», - дийцар «Сердалога» шахьара аминистраце зарбан болх лелабераша.
Тӏеххьара бланкаш дӏачуенначул тӏехьагӏа а дӏа-хьа ца къасташ, атта ца хиннача тӏема истореца двзаденнача хаттарех дувцаш лаьттар болама доакъашхой. Тӏема сийлен шахьар йолча Магӏалбика бахархошта лоархӏаме гӏулакх дар из.
«Коталон диктант» яхача боламо вайна хьагойт, тӏема истори цӏаккха а дицдала йиш ярех доацилга, Коталонга кхача гӏерташ, доккха ӏазап лайнараш вай дегашка массахана баха безилга. Тӏема исторена, тӏехьа тӏабоагӏарашта юкъера тӏий да из. Тайп-тайпарча ханага кхаьча нах бар из болам хьаллаца арабаьннараш.
