Гӏалгӏайчен паччахьалкхен ИЗО музее гӏалгӏай-турпалхой бувцаш лекци йийшар
23.12.2025 14:19
Илдарха-Гӏалан №1 йолча ишкола дешархой лекцега ладувгӏа баха хилар. Из дӏахьош яр Кенигсберге лаьттача тӏема «Турпалхой-гӏалгӏай бувцаш, Гӏалгӏайчен исбахьален искусствон музее. Лекци ешаро таро елар дешархошта шоашта ховш дар дукхагӏа шерде, дӏаяхача ханашка вай мехкахошта цу тӏем тӏа Котало йоаккхаш карагӏдаьнначох доаккхал де.
Из кхетаче дӏахьош, дийцар кӏезига довзаш дола истореш, турпалхой тӏема наькъах лаьца», - аьлар ИЗО Паччахьалкхен музее «Сердало» газетага.
Лекци чакхйоалаш, дешархошта елар «Сийлахь-боккхача Даьймехка тӏем тӏа 1941-1945 шерашка гӏалгӏаша дакъа лацар» яхача гойтаме хинна каталогаш. Цу материалаша таро лургья берашта кӏоаргагӏа довза мехкахой толамаш, иштта шоай дегашка лоаттаде тӏема шерашкара турпалал.
