ГӏалгӀай Паччахьалкхен искусствай колледже белгалдир студента Ди
ГӏалгӀайчен Паччахьалкхен искусствай колледже белгалдир сийрда, дика цӀай. Дег тӀара боаккхача ловцаца студенташка йистхилар колледжа дешара даькъ тӀара заведующи Харсенаькъан Люба. Цо даькъалабийцар студенташ цар денца, хӀаранена ловца баьккхар, шоай кхоллама наькъ тӀа толамаш дахар ловш.
«Цӏайна программа хьайийллар иллиалархой даькъа студенткаша, «Гаьнара хозал» яхача ашарца, оркестра мукъам тӀехьа а болаш. Геттара из цӀай тоадеш яр халхар ӏомаду моттиг. Цар гойтар дунен къамий халхараш, къамий цхьоагӀон Шу хиларах тарра. Дика кийчо яь дӀадихьар цӀай, цига дакъа лоацаш мел хиннар раьза а волаш», - аьлар «Сердало» газетага искусствай колледже.
ГӏалгӀайчен, Паччахьалкхен искусствай колледжа студенташ кхоллама болх лелабу нах ба. Уж – даим тайп-тайпарча республикай культуран кхетаченашка дакъа лоацаш ба. Царех нонагӀбараш дукхача наха бовзаш ба, шоай халхара говзалца.
