Паччахьалкхен кхоллама колледже ӏомадаьр довзийта концерт хилар
«Мукъама калейдоскоп» яха, хьатӏадоагӏача шера хетадаь концерт дӏахьош хилар Паччахьалкхен кхоллама колледже. Цига го йиш яр, бӏарчча шера хьехархоша, студенташа цхьана дӏабихьа болх. Лакхача боараме кийчъяь кхетаче яр ала йиш йолаш дар из вӏашагӏкхетар. «Хӏара оагӏоно йоккха программа кийчъяьяр.
Тайп-тайпарча ханашкара ашараш йовзийташ болча пандарчаша хьадийллар концерт. Колледже дешашача юкъа шоаш мел ӏомадаьр, шаьрдаьр гойта гӏерташ кхестар дог ураэтта бола студенташ. Халхарий оагӏонцара студенташ бар концерт йистедоалаш сцена тӏа баьннараш. Цар геттара чӏоагӏа дог ураоттадир хьажархой», - дийцар «Сердалога» цу моттигера.
Паччахьалкхен кхоллама колледже лораду къаман ӏадаташца, культураца дувзаденнараш. Хӏаране аьттув ба цига ший дегӏацара начӏал гучадаккха, кердача кхоллама наькъ тӏа вала.
