«Медиакхерамзле йовзар» яхача дешара проектах дийцар ИнгГУ
«Медиакхерамзле» яхача дешара проектах дувцаш, кхетаче дӏайихьар вай мехкарча паччахьалкхен университете. Таханарча Таьрахьашца дувзаденнарий оагӏонцара болх малагӏа хӏамаш лорадеш дӏабахьа безаш ба белгалдир цига. Экстремизм, терроризм яхача доккхача зулама юкъе нах чубига гӏертарашца цхьаккха тайпара бувзаме хила, цар яхар теркалде йиш йоацилгах дийцар НЦПТИ, «Кхерам боаца интернет» яхача АНО болхлоша Врембяк Александра, Мироненко Янас.
«Интернета оагӏонашка гӏолла къонабараш тувлабе гӏерташ, бӏехача зуламхоша малагӏа тайпара хӏамаш леладу дийцар кхетаче. Зуламхой юххьанца мишта бовза йиш я, малагӏча моттиге фийла хила беза хайра студенташта.
Моллагӏа тешаме доаца хӏама теркалдича, эггара хьалхарча оаг1онца мичахьа хоам бе беза, фу де деза дийцар студенташка», - йоах «Сердалога» бенача хоамо. Кагирхой вахаре чӏоагӏа лоархӏаме проект яр из.
Доакъашхоша белгалдир, иштта бола болх лоаттабаро къонабарий сакхетам лакхбелга, дукха хӏама довзийтилга, бӏехача зуламхоех лорабалара тӏехьа царна боккха пайда белга.
