Терроризма духьалара кхетаче дӏайихьар ИнгГУ
Гӏалгӏай паччахьалкхен университете студенташцара кхетаче дӏайихьар. Цига дийцар терроризм, экстремизм яхача зулама духьала лоаттабе безача къовсамах.
«Кагирхошца къамаьл де баьхкараш бар МВД терроризма духьала болх лоаттабеча оагӏон, Миннаца болхлой. Из во, бӏеха гӏулакх вайна юкъе даржаргдоацаш малагӏа никъ лелабе беза, цох хьокхавенна саг бехктокхаме озар чӏоагӏа хургдолга белгалдир кхетаче дӏахьош хиннараша.
Интернета оагӏонашка гӏолла из зулам доаржаде, цу юкъе хӏетта кхийнараш чуоза гӏертарашца цхьаккха тайпара бувзаме вала, цар яхар теркалде, хьаллаца йиш йоацилга белгалдир кхетаче», - дийцар «Сердалога» цу моттигера.
Белгалде деза, иштта йола кхетаченаш дӏакхахьар къонабарашта лоархӏаме долга. Тахан вай массане цхьана хьаллоацаш, дӏабахьа безаш болх ба из.
