ИнгГУ дипломаш дӏаделар экономикани урхалдареи магистрашта
Гӏалгӏай паччахьалкхен университета даькъ тӏа, юха а цӏай эттар, цунцара къасташ хилара бахьане, гӏайгӏане бахар а долаш. Укхаза дипломаш делар экономикан, урхаллен факультета магистрашта.
«Шоай лоархӏаме, дукха сатийса каьхаташ хьаийцар 38 сага. Цу денга бодаш хинна никъ атта бацар: Кӏоаргача тохкамий шераш, чоалхане экзаменаш, диссертацеш тӏехьашкахьа йисар, къонача профессионалашта хьалхашка боккха вахара никъ хьа а бийлла», - аьлар «Сердало» газетага ИнгГУ зарбан болх лелабераша.
Таханара хӏара выпускник – из диплом хьаийца говзанча хинна а ӏац. Из хургвола хьалхале лелаер ва, ший хьаькъалца дукха хӏама тоаде таро йола. Гӏалгӏайчен выпускникий хьинаро, яхьо хувцаргда дуне, республикан экономика дегӏайоалаеш, урхалдара кердадарий хаттараш кхоачашдеш.
