Гӏалгӏай мехка ардара бетта 9-ча дийнахьа дайолалу халкъашта юкъера блог-тур
«Хьаелла Гӏалгӏайче» яха халкъашта юкъера блог-тур дӏахьоргья республике 2026 шера ардара бетта 9-13 деношка. Цу йоккхача, пхе дийнахьа дӏахьош йолча кхетачене вӏашагӏкхетаргба блогераш, медиа даькъ тӏара викалаш. Царна хьалхашка латта декхар да историко-культуран тӏехьален, ӏалама тароний, реcпубликан укх заман хьалашта мах оттабар.
Из болх вӏашагӏбеллараша ма аллара, программа дайолалургья ардара бетта 9-ча дийнахьа: цу дийнахьа хьаьший тӏаэцаш, уж дӏа-юха нийсбеш, сайрийна пхьор-бовзар хургда.
Наькъа балара керттера дакъа хургда ардара бетта 10-ча дийнахьа. Хьаьший гӏоргба лоаман Жӏайрахьа кхале, цига уж хургбола керттера моттиг я Аьга-Кхален гӏалш ягӏа моттиг. Доакъашхой гӏаш гӏоргба къаьнара сийленгаш долча, цул тӏехьагӏа сайрийна дагабалар хургда.
Программа дӏахохьош, ардара бетта 11-ча дийнахьа Маьтлоам тӏа баргба, цига цхьана даар кийчдергда. Шоллагӏча дийнахьа, ардара бетта 12 ди долаш, блогераш гӏоргба Магасе. Программа чудоагӏаш да республикан столице гӏолла, Барта Гӏала йолча а болхаш, экскурси яр, иштта цар вашагӏкхетар хургда Гӏалгӏайчен культуран, туризма министраца Лаьнанаькъан Залинайца. Цар никъ бар чакхдаргда ардара бетта 13-ча дийнахьа уж цӏабахарца. Хьаьшашта лаьрхӏа, цар бена никъ чакхбаллалца, эшаш дола хьалаш вӏашагӏдехкад.
Из болх вӏашагӏбеллараша яхачох, из проект лаьрхӏа я реcпубликан туристически таронаш дегӏайоалаяра, доакъашхой гуш хургба эфире гӏолла. Уж гӏоргба керттерча моттигашка: юкъерча бӏаьшерений архитектура го, Жӏайрахьа-Чӏожен доазонашка, столицан таханарча хувцамашка хьажа, цо таро лургья Россерча а цул арахьарча а наха Гӏалгӏайчен культура, ӏадаташ дӏадовзийта.
