«Цаӏ волча оператора» ГУПаца проект дӏахьош я Наьсарера администраци
Наьсарерча Гӏазданаькъан цӏерах болча ураме канализацена лаьрхӏа керда турбаш чуйоахкаш боахк мехка. Из хоам «Сердалога» бир мэре болхлоша.
«Дуккхача бахархоша дехар даь, дӏаболабаь болх ба из. Шахьара да вола Оздой Руслан ваха хилар цу моттига хьал тахка.
«Цаӏ волча оператора» ГУПаца дӏахьош проект я из. Цхьана болх дӏабахьарца, Дала аьннадале, бӏаьсти хьаотташ дикка аттачахьа даргда каст-каста турбаш лелхаш хинна цу моттигера гӏулакх»,- йоах тхога бенача хоамо.
Шахьара дас тӏадиллад; цу берригача ураме асфальт ӏобилла, аьнна. Сергой, Гӏазданаькъан цӏерах долча урамий миӏингашкара дӏаболабенна; 1300 м кхоачаш долча доазон тӏа дӏахьош ба из болх.
Хьадувцачох, 30-40 ди деза болхлошта из гӏулакх чакхдаккха. Болх дӏахьош латтача доазон тӏа лоралуш, фийла хилар дех бахархошка.
