Исторически кино доаккхаш боахк мехка
«Лоамий оаламаш: Дзурдзуки, яхь йола тӏемхой» яха исбахьален оагӏонцара кино доаккхаш боахк вай мехка. Кино хетадаь да дзурдзуки турпала наькъа, цар вахарерча ӏадаташта, яхьанца духьаллаттара. Лоаман хозача моттигашка доаккхаш дола кино вай къаман культуран, исторен оагӏонаш хьаллоацаш да.
Кино доаккхача дакъа лоацаш ба кхоллама кино Ишколера (ШКИ) доакъашхой. Къонача операторий, режиссерий аьттув ба цига шоай начӏал гойта. Лакха говзал йолча болхлоша из гӏулакх мишта дӏахьу, фу теркалде деза ӏомадеш хилар къонабараш.
Белгалде деза, цу балха цар кхетама дикка пайда белга, кино даккхарца дувзаденна лоархӏамедараш довзийташ.
Цу кинос хьагойтаргба, къаман истори, ӏадаташ лорадара юкъе къонабараш чуозара болх.
Культуран оагӏонцарча президентски ганзо гӏо деш доаккхаш да тахан из кино.
