Саг леш, наькъ тӏа ДТП яьча зӏамсага суд ергья
Саг леш, наькъ тӏа хиннача хатара бехке вола 17 шу даьнна мехкахо бехктокхаме озаргва Шолжа кхале. Цигарча прокуратуро къоастаяьй цун кхел. Машина каьхаташ доацаш, наькъашкара бокъонаш лораеш воацаш, хьийдда водаш хиннача цу сага бехках хиннача хатара юкъе сага вахар хаьдад.
«Тохкама оагӏон болхлоша белгалдечох, 2026-ча шера бекарга бетта 9-ча дийнахьа цхьаккха бокъо йоацаш, машина каьхаташ доацаш араваьнна, наькъашкара бокъонаш телхаеш машин хехкарах «Лада Приора» яхача машина тӏакхийттав из. Цу чу яьгӏа 65 шу даьнна кхалсаг, сов чӏоагӏа хиннача човнех метта ца йоагӏаш, дарбанче кхелхай», - дийцар «Сердалога» мехкарча Прокуратуре. Шолжа кхален судо тохкаш латт из гӏулакх тахан. Болх чакхбаьккха, боаггӏача боараме бехктокхаме озаргва цу хатара бехкевар.
