Йиъ подстанци, электросеташ республиканна юхаелар
МВД тохкамхой чакхдаьккха баьлар, балха тӏа волаш, цхьан сага ӏаьдала зе даь гӏулакх тахкар, яхаш, хоам бу «Сердало» газетага ГӏР бокъонаш лораераша.
«Гӏалгӏай Республике гӏолла йолча МВД тохкама урхаллено, экономически кхерамзлен а ГӏР гӏолла йолча МВД кхааш ийдара духьаларча урхаллен а 4-ча отдела кийчдаьча каьахатий кIийлен тIа чакхбаьккхар, РФ УК 2 даькъа 286 ст. ГӏР министерствон цхьан болхлочунна духьалара уголовни гӏулакх тохкаш хинна болх», - аьлар хоамо.
Из, 1957 шера ваь болхло, бехке ву, 2022 шера, РФ мехка паччахьалкхен балха даькъ тӏа волаш, цхьаккха бокъо йоацаш, цо аренда еннай бехктокхаме йолча ГӏР электросетий комплекс. Уж я йиъ подстанци, иштта тока оагIонаш.
Из хьал юхадоаладир Гӏалгӏай Республикан боахама доалахьа. Уголовни гӏулакх тахка дӏадахьийтад суде.
